ملك أحمد زاهر توجه رسالة لخطيبها بسبب "مطلوب عائليا"

وجهت الفنانة ملك أحمد زاهر، رسالة لخطيبها بسبب فيلم "مطلوب عائليا" الذي يتولى تأليفه.

وقالت ملك أحمد زاهر: "كلمة "فخورة.. متكفيش، معتقدتش إني في يوم من الأيام هلاقي الكلام اللي يوصف شعوري وأنا واقفة جنبك وشايفاك بتحول أحلامك لحقيقية، في كل مرة بفتكر إني مش كون فخورة أكتر من كده وبعدها بتيجي وتديني سبب جديد لأكون فخورة أكتر".

وتابعت: "شايفة كل المجهود اللي بتعمله والأيام الطويلة والحاجات اللي بتخليك قلقان واهتمامك أنك تنجز كل حاجة على أكمل وجه، وجودي جنبك خلال الرحلة دي بيخلي كل نجاح كأنه شخصي، بحس بحماسك وسعادتك وكأنها مشاعري أنا".

وأوضحت: "لما الناس بتباركلي على عمل ليك ببقى حاسه بسعادة أكبر من لما يباركولي على حاجة عملتها أنا، اسمك بيخليني رافعة راسي فخورة بيك وممتنة أنك شريك حياتي".

وأضافت: "فيلم جديد وحلم جديد بقى حقيقة ولحظة جديدة هفضل فاكراها، مفيش حاجة بتسعدني أكتر من إني أشوفك سعيد ومن إني أشوف الشغل اللي بذلت كل مجهودك عشان يوصل لقلوب الناس".

وتابعت: "مبروك يا حبيبي أتمنى أنك تستمتع بكل ثانية من اللحظات دي أنت بذلت مجهود كبير وأنا أسعد بنت في العالم وأنا بشوف نجاحك".